Pages

Showing posts with label She'riyat. Show all posts
Showing posts with label She'riyat. Show all posts

Friday, December 10, 2010

To'rtlik

Ko’rmagan odamimni shunchalar sog’indim men
Ayting, bizni bog’lagan sevgi-mehr nega teng?
Intiqman mo’jizaga, hamd aytib Mo’jazkorga
Salomatlikda diydor uchun do’stlar omiyn deng.

Thursday, March 26, 2009

Og'riydi...

Og'riydi..., o'ylasam juda og'riydi
Siljimoqqa hatto mador yo'qdayin.
Quduqdan tortganday tortaman kuchim
Hayot chashmasin ichish shuuunchalar qiyin?!

Kechalar uxlasam uyqim yig'laydi
Kerakmas menga bu dahshat tushlar deb.
Yupataman horg'in, bu ham o'tadi--
Dard borki-- uning da'vosi ham ko'p.

Yuraman yo'llardan siltaydi yer ham
Men unga og'irlik qilayotganday--
Uchib ketolmamku, hatto o'lsam ham
Baribir qoladi tanam sen bilan.

Qo'l bilan ko'rsatib derlar gunohkor
Qarolmayman, chunki mujgonlar kuygan.
O'zimni tanimay, shuunchalar xor-zor
Zalvor yo'llarimni sudrab yuribman.

Monday, February 2, 2009

Seni Sog`indim....

Boshqa so'z aytolmam yukardan to'lib
Afsus, boqa olmas, ko'zlarim to'yib
Lekin bilishingni hohlardim shuni
Men seni sog'indim, yoningda turib

Hijronlar qoldiku ortimda cho'kib
Yo'qota olmayin sabrimni ko'mib
Alam qilayapti, g'oliba bo'lib
Men seni sog'indim, yoningda turib

Mast aylasa ishqing mastona bo'lib
Diydoringdan ko'ngil, devona bolib
Sensizlik hayotdan ravona bo'lib
Men seni sog'indim, yoningda turib.

Friday, December 8, 2006

kechagi hissiyot...

Ishqning nomi azobmi, sensiz kunim o’tmaydi
Qorong’u tun ichida ruhim og’ush bilmaydi.
Senda ham bormu bu dard, dilim seni qo’msaydi.
Erkatoyim, ayt nega sendan kechib bo’lmaydi.

Senga aytar so'zlarim...

Menga buncha termulma uzoq
Bardosh bermas: olovli nigoh
So’zlamagin, sen undoq bundoq
Og’ir botar, ko’nglim og’riydi.

Menga qilma havaslarim pesh
So’zlamagin hasadlaringdan.
Ehtiyot bo’l, bir so’z aytishdan
Qaltis so’zdan ko’nglim og’riydi.

Berma menga o’ylashga imkon
Sen haqingda yomon bitta o’y.
Avaylagin, qalbim bir qo’g’on
Sinib ketsa, ko’nglim og’riydi.

Alam kelsa bo’g’zimga to’lib,
Qolaversam ko’zda yosh to’kib,
Senga bir so’z qaytarmama axir
Qiynamagin, dilim og’riydi.

Alamlar ko’p dunyoda chunon
Yashayapman ko’z yumgancha jim.
Tushlar ko’rsa ruhim har zamon
Ta’na qilma, ko’nglim og’riydi.

Sergeli 02.11.06
22:52

Friday, May 19, 2006

Bir devona dardlari :)

Devona dilning dardlari (Dilbar dili dardkash do’stim Diloromga)
Davosiz dardlarimga darmonligingiz, dilbaru do’stonaligingiz dardlari dunyo dilimga da’vodir.
Diltortarligingizu dilafro’zligingiz dastidan darveshlar devonida devonaman.
Dilso’z darddoshingni darakla, deydi devonalik dardila dodlayotgan dilim
Dilso’z dildorimni darakladim.Daragi: dilobar dildorlar diyorida, deyman dardlari dunyo dilimga.
Dovdiramay dilrozingni Diloromingla dardlashay. Deydi dilim dadilllikda.
Diloromimni deb, darddan dodlayotgan dilmdagi dona dog’lar daryo-daryodir, dedim dabdurustdan.
Dilso’zim, dilingizni dardlamayman deb, Dilrozim dilimga da’vomas deyolmayman,deyish devonalikdir.
Dardlarim da’vosi, Dilor, dilingizga,
Dilbarlik dunyosi, Dilor, dilingizga,
Devona dashtlarda daydi dilimning
Dardkashi, donosi, Dilor dilingda…

Friday, March 24, 2006

Vatanimga kelganda bahor

Shiawase janoblari:

Vatanimga keldi kelinchak bahor,
Yuzin ochib, qishni ayladi nochor.
Ko'klamni qo'msagan yurtim qizlari,
Mendayin bo'ydoqni qildilar abgor.

Tashakkur, bahorim, yuzlari anor,
Qadaming qalbimdan haydadi g'ubor.
Endi hech tortinmay, DIDOxonimga,
Otashin sevgimni qilaman izhor.

DIDOxon, tinglagin, ko'zlari xumor,
Qo'rqaman, dunyoda yomonlar bisyor.
Kirdikor "ko'zlardan" asrasin uchun,
Kel tezroq, beraman ajib bir tumor.

Javob:

Vatanimga kelganda bahor
Sen ham kelding yonimga xumor
Ahvolimni aylamoqchi xor
Sevgi degan tuy'gu betakror

Vatanimga kelganda bahor
Qizlar kular, ular beg'ubor
Har kulgida bir latofat bor
Men ham endi latofatli yor.

Vatanimga kelganda bahor
Shamol essa sharqdanda bir bor
Men devona ishqidagi zor
Yuboradi ishq hidin bisyor.

Friday, March 3, 2006

Barbod ayladi bu ishq

Ishq deya hayotim qilibman poymol
Meni istaganlar qalbin qilib xor.
Farhodlar bo’lmagan, Majnuni bekor
Aldading taqdirim, bo’lding nobakor.

Sevgi deganlari umrbod edi
Tushlaringda endi ko’rmay qo’yibsan.
“Toabad kutaman”—va’dalar qani
Demak, unutibsan, sevmay qo’yibsan.

Endi Zulayhomi tushgan ahvolim
Yo’q sen Yusufchalik sevolmas eding.
Qasamlar ichaman, bilib gunohim
Sen baribir menchalik sevolmas eding.

March 2, 05 USA

Yaqindagi olisim


Ko’zlarimning sirlarida asraganim
Ruhim bilan o’ngim meni bo’ldi bo’lak.
Bahor kelsa yomg’irlardek qo’masaganim
Oh devonam qalbimga bir o’zing kerak.

Nahot shuncha begonasan olislarda
Ayni zamon sendan o’zga yaqinim yo’q.
Niyatlarim yetib borsa xolislarda
Baxtli kunchun sendan boshqa darmonim yo’q.

Ko’zlarimning qarosida o’ynar aksing
Lablarim ham pichirlasa sening isming.
Hayhot bir bor uchrashmoq ham mushkul tugun
Soyalarda chizmog’im bor seninig jisming.

Yaqindagi olisim, uzoqdagi begonam
Qalbimda musofirlik qilmagin mashrabonam.
Sirlarimning sardori, ishqimda bir devonam
Yalinaman taqdirdan iqbolga ber zamonam.
June 12. 05 Tashkent

Wednesday, December 28, 2005

Mening ilhomim

Oldimda cheksizlik yotar yastanib
Qadam qo'ymoqlikka erinar jonim.
Yetar manzil uzoq senchi berkinib
Qayerga yo'qolding mening ilhomim.

Yana tushar yo'llarim chalkash
Bilolmasman tayin qarorim.
Balkim madad berarsan desam
Qayerdasan mening ilhomim.

Boqqan nigoh qiynaydi meni
So'roqlardan mushkul ahvolim.
Javob topmay qolganda nochor
Qayerda bo'lasan mening ilhomim.

Tunda seni qo'msagan mahal
Shivirlashing kutar qulog'im.
Ertak aytgin menga to nahor
Tashlab ketma meni ilhomim.

Tuesday, December 27, 2005

sen kelganing hamon

Men ko`kda charaqlab turganim bilan
Yorishib ketmasdi bu ko`hna osmon
Omadni behisob terganim bilan
Baxtliman demasdim kulib ham shodon.

She'r ilmin qanchalik bilganim bilan
Topmasdi satrlar hech qalbda makon
Yurakni har qancha tilganim bilan
Hech qachon bilmasdi nam yuzin mujgon.

Sen kelding qalbimga qaysi bir zamon
His qilish baxtidan siylading chunon
Kulsam gul bo`ladi, yig`lasam--yomon
Sevging asiri bo`lganim hamon.

Saturday, December 24, 2005

Ishonmayman

Ishonmayman sevgiga hech ham
Qiynab meni bo`lma ovora.
Vijuddaki qonlar muzlasa,
His-tuyg`ular bari safsata.

Yo`q men muzlab qolganimcha yo`q,
Dunyo meni yaratgan shunday.
Bu dunyoda ishq-muhabbat yo`q,
Cho`pchaklari o`tmaydi kuzdan.

Qiynashadi odamlar o`zin
Oh-voh deya yurakdan o`tsa,
Urinmagin izbotlab betin
Ishonmayman mavhum narsaga.

Hayot chaqmoq, minutalari o`q,
Badanimni o`qlar teshaypti.
Chalg`imoqqa bir fursatim yo`q,
Vidolashish kunim yetyapti.
June 8, 2005

without name

Sevaman deb aytmayman endi
Mayli dillarimda olov yonsa ham
Sevaman deb aytmayman endi
Mayli tillarimda armon qolsayam.

Bo`ldi, ortiq qiynamam seni
Bevafo deb atayver meni
Berkdir bizga taqdir yo`llari
Qurbon bo`lur sevgimiz endi.

Alam

Dedicated to my Dad

Qalbimni tig`lasa nimadur sekin,
Yoxud yoshlar tomsa ko`zimdan betin,
G'avg'olar o`ynashsa boshimda erkin,
Yo`qligingiz menga qiladi alam.

Qalbda dog` bo`lsayu, chora bo`lmasa,
Ko`zga yosh to`lsayu, kor topilmasa,
G`avg`olar yuzi hech qaro bo`lmasa,
Yo`qligingiz menga qiladi alam.

Qo`la oq duosin boshlasa keksa,
Qizim deb atasa, nogahon kimsa,
Kimdir dilimninig kamligin bilsa,
Yo`qligingiz menga qiladi alam.

Nomozshom tushsayu, siz kelmasangiz,
Dasturxon yozilsa, siz bo`lmasangiz,
Dilimning xunligin hech bilmasangiz,
Yo`qligingiz menga qiladi alam.

Alam qiladi menga bu dunyo shaksiz,
Yaralgan har giyoh , har bezak hissiz,
Tuyulsa hayotim birdan keraksiz,
Yo`ligingiz menga qiladi alam.

Irodammi...

Irodammi shunchalar nimjon
Yoxud sevgi shunday qudratli.
Unutmoqqa unutsam mudom
Olov yonar dilda sur'atli.
To`xtamaydi, alangasi-tez
Xayollarimni etadi parcha.
Har bir nafas olganim-shu kez
Yoding meni qiynarverar xorlarcha.
Tomog`imdan o`tmaydi nafas
O`lim menga qilar dag`-dag`a.
Topib bergin o`shani, Yo Rab,
Usiz hatto o`lim safsata.